Pigghiari un chilu di pasta di pani già 'llivitata e 'mpastànnula ancora fàricci pigghiari 400 gr. di zùccaru. Ora jàrila a pizzudda e ad ognunu dàricci 'a forma di 'na palummedda. Supra ogni palummedda, ô postu dâ panza, mittìricci un ovu cu tutta 'a scòrcia e firmàrilu cu 'na striscitta di pasta. L 'occhi, i punti dill' aluzzi e di pedi si ponnu fari cu pizzudditta di mennuli. Sistimàrili 'nta 'na lanna di furnu, pinziddiàrili cu ovu sbattutu e lassàrili 'llivitari p'un'ura. Còciri a furnu càudu assai, sino a chi pìgghianu culuri biondu.
